மரணம் என்றால் யாருக்குத்தான் பயமிருக்காது....மரணபயம் இல்லாமல் இருப்பதே மரணத்தை வெல்லும் வழியாகும். மரண பயம் நீங்க பாராயணம் செய்வோம் இப்பாடலை....
பாடல்
வவ்விய பாகத்து இறைவரும் நீயும் மகிழ்ந்திருக்கும்
செவ்வியும் உங்கள் திருமணக்கோலமும் சிந்தையுள்ளே
அவ்வியம் தீர்த்து என்னை ஆண்ட பொற்பாதமும் ஆகி வந்து
வெவ்விய காலன் என் மேல் வரும் போது வெளி நிற்கவே.
பொருள்:
உம்மால் கவரப்பட்டு, நீ கவர்ந்த இடப்பாகம் கொண்டு, அர்த்தநாரியாய் அருள் மாரி வழங்கி அம்பலத்தாடும் மாதொருபாகனாகிய எம் இறை ஈசனும், பாகம்பிரியாளாய், மட்டுவார் குழலியாய் நீயும், மகிழ்ந்திருக்கும் செம்மையுடன் கூடிய உங்கள் திருமணக் காட்சியானது என் சிந்தனையுள் உள்ள அத்தனை அசுத்தங்களையும் தீர்க்கின்றது. என் மெய், வாக்கு, காயத்தை சுத்தப்படுத்தி, மன மாச்சர்யங்களைத் தீர்த்து என்னைத் தீரா அடிமை பூண்டது நின் பொற்பாதங்கள். சர்வேஸ்வரனால் ஈஸ்வரப்பட்டம் பெற்ற, காலத்தை வென்ற, காலகாலனாகிய எமனேஸ்வரன் என் மேல் பாசம் கொண்டு, தன் பாசக்கயிற்றை வீசும் போது, மண்ணுயிர் காக்கும் நின் பொற்பாதங்கள் என்னுயிர் காக்கவும் எழுந்தருள வேண்டும்.
பிறையணிந்த பெருமானை இதயச் சிறையணிந்த - ஜெ. சூரியா
கருத்துகள் இல்லை:
கருத்துரையிடுக