தெரிந்தோ..தெரியாமலோ அம்பிகைக்கு செய்த அபசார தோஷங்கள் நீங்க....இப்பாடலை பாராயணம் செய்வோம்...
பாடல்
மங்கலை செங்கலசம் முலையாள் மலையாள் வருணச்
சங்கலை செங்கைச் சகலகலாமயில் தாவு கங்கை
பொங்கலை தங்கும் புரிசடையோன் புடையாள் உடையாள்
பிங்கலை நீலி செய்யாள் வெளியாள் பசும் பெண்கொடியே
பொருள்
என்றும் மங்கலமாய் இருக்கும் சுமங்கலித்தாயே! சிவந்த கலசம் போன்ற தனங்களை தன்னிடத்தே கொண்டவளே! மலையரசனாம் இமவான் மகளாம் பர்வத வர்தினியே! கடல் பூக்கும் சங்கை, தம்கை வளையல்களாக்கி அணிந்ததன் மூலம் அவற்றிற்கு அழகு சேர்ப்பவளே! ஆய கலைகளும் அறிந்த மலைமகளே! பொங்கிப் பெருகி, அலைகளாய் தங்கும் கங்கையைத் தன் சிரம் கொண்டானின் இடம் கொண்டாளே! எல்லாவற்றையும் உன்னிடத்தில் உடையாளே! தகதகக்கும் தங்க நிறத்தவளே! கோலவிழியும் நீல நிறமும் கொண்டவளே! சிந்தூரமாய் சிவந்தவளே! அன்னம் போல் வெண்மை நிறம் கொண்டவளே! என் நெஞ்சமெங்கும் பாசமாய் படர்ந்திருக்கும் பச்சை வண்ணம் கொண்ட கொடியே! நிறங்கள் ஓரைந்துடையான் நிறங்களையெல்லாம் நீ கொண்டு நின்ற தாயே! வணங்குகின்றேன்....
சர்வ குணங்களும் நீ....சர்வ நிறங்களும் நீ...
மால் தேடிய கால் தேடும் -ஜெ. சூரியா
கருத்துகள் இல்லை:
கருத்துரையிடுக